ຄວາມເປັນມາຂອງກຸ່ມ
📌ກຸ່ມ CEIT Software ແມ່ນກຸ່ມແນວໃດ?
ຄຳຖາມທີ່ຫຼາຍຄົນສົງໄສເມື່ອເຂົ້າມາເພສຂອງພວກເຮົາ ແລະ
ມື້ນີ້ເຮົາຈະມານຳສະເໜີກ່ຽວກັບກຸ່ມຂອງພວກເຮົາໃຫ້ທຸກຄົນໄດ້ຟັງນຳກັນ.
📍CEIT Software ແມ່ນໜື່ງໃນກຸ່ມກິດຈະກຳຂອງພາກວິຊາວິສະວະກຳຄອມພິວເຕີ ແລະ
ເຕັກໂນໂລຊີຂໍ້ມູນຂ່າວສານ
ເປັນບ່ອນທີ່ເຕົ້າໂຮມຜູ້ທີ່ມີຄວາມສົນໃຈໃນສາຍງານດ້ານການຜະລິດ ແລະ
ພັດທະນາລະບົບຊັອບແວ ເຊິ່ງກຸ່ມຂອງພວກເຮົາເປັນກຸ່ມທີ່ແບ່ງປັນຄວາມຮູ້,
ແນະນໍາແນວທາງໃຫ້ຜູ້ທີ່ມີຄວາມສົນໃຈທາງດ້ານການພັດທະນາຊັອບແວໃຫ້ມີຄວາມເຂົ້າໃຈທາງດ້ານຊັອບແວຫຼາຍຂື້ນ
ແລະ ນຳເອົາໄປພັດທະນາໃນຕໍ່ໜ້າໄດ້.
ຈຸດປະສົງ ແລະ ເປົ້າໝາຍຂອງກຸ່ມພວກເຮົາແມ່ນ:
- ພັດທະນາ , ປັບປຸງ , ອັບເດດເວັບໄຊ ແລະ ລະບົບຂອງພາກວິຊາ.
- ເຜີຍແຜ່ຄວາມຮູ້ທາງດ້ານການພັດທະນາທັງໃນດ້ານ Hard skill & Soft skill.
- ວິໄຈ ແລະ ພັດທະນາຜະລິດຕະພັນທາງດ້ານຊອບແວຂຶ້ນມານຳໃຊ້.
- ຝຶກອົບຮົມໃຫ້ຄວາມຮູ້ສະມາຊິກພາຍໃນກຸ່ມ ແລະນັກສຶກສາພາຍໃນພາກວິຊາ.
ນອກຈາກກຸ່ມຂອງພວກເຮົາຍັງໄດ້ພັດທະນາຜະລິດຕະພັນທາງດ້ານຊັອບແວຕ່າງໆຂຶ້ນມານຳໃຊ້ໃຫ້ເກີດປະໂຫຍດບໍ່ວ່າຈະເປັນ
: Web site , Application , ລະບົບຕ່າງໆພາຍໃນພາກວິຊາ ແລະ
ໃນກຸ່ມຂອງພວກເຮົາຍັງມີສະມາຊິກທີ່ມີຄວາມສາມາດໃນດ້ານຂອງ Cyber Security
ອີກດ້ວຍ.
ພວກເຮົາຍັງຜັກດັນໃຫ້ສະມາຊິກມີຄວາມກ້າໃນການເຂົ້າສູ່ເວທີການແຂ່ງຂັນຕ່າງໆເພື່ອຫາປະສົບການ
ແລະ ພັດທະນະຂີດຄວາມສາມາດຂອງຕົນເອງຂື້ນໄປເລື່ອຍໆ.
👉🏻ແລ້ວ...ໃຜແນ່ທີ່ເຂົ້າມາສຶກສາແລກປ່ຽນກັບກຸ່ມພວກເຮົາໄດ້?
ນັກສຶກສາທຸກຄົນໃນພາກວິຊາ CEIT
ທີ່ສົນໃຈທາງດ້ານການພັດທະນາຊັອບແວສາມາດເຂົ້າປຶກສາ ແລະ
ມາແລກປ່ຽນແນວຄິດກັບພວກເຮົາໄດ້. ນອກນີ້ ຖ້າຫາກທ່ານໃດມີຄວາມສົນໃຈກໍ່ສາມາດ
Inbox ເຂົ້າ Page ຂອງພວກເຮົາເພື່ອມາແລກປ່ຽນຄວາມຮູ້ນຳກັນໄດ້ເດີ🥳
ເງື່ອນໄຂການສະໝັກເປັນສະມາຊິກ
1./ ເປັນນັກສຶກສາປີໜຶ່ງ ຫຼື ປີສອງ (ພາກປົກກະຕິ) ຂອງ
ພາກວິຊາວິສະວະກຳຄອມພິວເຕີ ແລະ ເຕັກໂນໂລຊີ ຂໍ້ມູນຂ່າວສານ.
2./ ມີຄວາມສົນໃຈໃນເລື່ອງຂອງຊອບແວ.
3./ ເປັັນຄົນທີ່ມັກຮຽນຮູ້, ມີຄວາມຮັບຜິດຊອບ ແລະ
ພ້ອມທີ່ຈະຮຽນຮູ້ໄປກັບພວກເຮົາ.
4./ ເປັນຄົນທີ່ພ້ອມຈະແບ່ງປັນຄວາມຮູ້ຂອງຕົນເອງກັບຜູ້ອື່ນໄດ້.